mixxt

Sign up here for free!

Welcome to mixxt!

ဘုရားဆိုတာဘယ်လိုလူလဲ

link this post written on 14/09/2011
  • To top

         စာရေးသူ စင်ကာပူကိုရောက်နေချိန် စာရေးသူတည်းခိုတဲ့ သစ္စာပါရမီဓမ္မရာဇာရိပ်သာတွင် 13-11-2010 ရက်နေ့ ရှင်ပြုပွဲတစ်ပွဲနှင့်ဆုံတွေ့သည်။ ညီအစ်ကိုနှစ်ယောက် ၁၅ နှစ်၊ ၁၆ နှစ်ဝန်းကျင်ဖြစ်သည်။ မြန်မာစကားတော့ ပြောနိုင်သည် စာကိုတော့မဖတ်တက်ပါ၊ ကိုရင်ဝတ်ပြီးကျောင်းမှာနေကြသည်။ တစ်နေ့တော့ ဆရာတော်မှ စာရေးသူကို  ဦးဇင်းက ကိုရင်လေးနှစ်ပါးကို ဂုဏ်တော်တွေနှင့် သင့်တော်မည့်စာတွေကို ခဏသင်ပေးပါဆိုပြီး အမိန့်ရှိလာပါသည်။ စာရေးသူမှာလည်း သူတို့လေးတွေကို ဘုရားဂုဏ်တော်၊ တရားဂုဏ်တော်၊ သံဃဂုဏ်တော်များကို သင်ပေးသည်။ ဣတိပိ သော ဘဂ၀ါ အရဟံ သမ္မာသမ္ဗုဒ္ဗေါ စသည်ဖြင့်ဂုဏ်တော်များကိုသင်ပေးပါသည်။ အခုကိုရင်တို့ဆိုလိုက်တာကို ဘုရားဂုဏ်တော်လို့ခေါ်တယ်၊ ဘုရားဂုဏ်တော် ၉ ပါးရှိတယ်။  ဂုဏ်တော်များကို အလွတ်ကျတ်ခိုင်းပြီး တစ်ခုချင်းစီကို အဓိပ္ပါယ်ရှင်းပြသည်။
       အဲဒီတော့ကိုရင်ငယ်လေးက ဦးဇင်းဘာဖြစ်လို့ ဘုရားလို့ခေါ်တာလဲတဲ့ မေးသည်။ ဒီတော့ စာရေးသူက (၁) အရဟံ- ကိလေသာ အပူကင်း၍ ပူဇော်အထူးကိုခံထိုက်သောကြောင့် ဘုရား။ (၂) သမ္မာသမ္ဗုဒ္ဓေါ- သစ္စာလေးပါး မြတ်တရားကို ဆရာမရှိ ကိုယ်တော်တိုင် သိတော်မူသောကြောင့် ဘုရား။ (၃) ၀ိဇ္ဇာစရဏသမ္ပန္နော- အသိဥာဏ် ၀ိဇ္ဇာ၊ အကျင့်စရဏနှင့် ပြည့်စုံတော်မူသောကြောင့် ဘုရား။ (၄) သုဂတော- ကောင်းသောစကားကိုပဲ ပြောဆိုတော်မူသောကြောင့် ဘုရား။ (၅) လောက၀ိဒူ- သတ္တလောက၊ သင်္ခါရလောက၊ သြကာသလောကဟု ဆိုအပ်သော လောကသုံးပါးလုံးကို အကုန်အစင် သိမြင်တဲ့အတွက်ကြောင့် ဘုရား။ (၆) အနုတ္တရောပုရိသဓမ္မသာရထိ- မယဉ်ကျေးသေးသော လူ၊ နတ်၊ ဗြဟ္မာ၊ တိရိစ္ဆာန် သတ္တ၀ါတို့ကို တုတ်ဓါးမပြ တရားချ၍ ယဉ်ကျေးအောင် ဆုံးမနိုင်သောကြောင့် ဘုရား။ (၇)သတ္ထာဒေ၀မနုဿာနံ- လူ၊ နတ်၊ ဗြဟ္မာ သတ္တ၀ါတို့၏ ဆရာတစ်ဆူ ဖြစ်တော်မူသောကြောင့် ဘုရား။ (၈) ဗုဒ္ဓေါ- သစ္စာလေးပါးတရားကို မိမိကိုယ်တိုင်လည်းသိတယ် သူတစ်ပါးတို့ကိုလည်း သိအောင်ဟောပြ သင်ပေးနိုင်သောကြောင့် ဘုရား။ (၉) ဘဂ၀ါ- ဣဿရိယ၊ ဓမ္မ၊ ယသ၊ သိရီ၊ ကာမ၊ ပယတ္တဆိုတဲ့ ဂုဏ်ခြောက်ပါးနှင့် ပြည့်စုံသောကြောင့် ဘုရားဖြစ်တယ် စသည်ဖြင့်ရှင်းပြသည်။
          နောက် ဗုဒ္ဓ၀င်ကိုပြောပြ၊ ခြောက်နှစ်လုံးလုံး တရားကျင့်ပုံတွေ ကျင့်ပုံကျင့်နည်းတွေပြောပြ၊ အဲဒီအကျင့်တွေဟာ လူသာမန်တွေမကျင့်နိုင်ဘူး၊  ဘုရားဖြစ်ဖို့အတွက် သူ့မှာဘ၀ပေါင်းများစွာ ပေးဆပ်ခဲ့ရတာတွေ၊ အဲဒီလိုပေးဆပ်ခဲ့ ကျင့်ခဲ့လို့ နောက်ဆုံးမှာဘုရားဖြစ်သွားတယ်။ ဘုရားဖြစ်သွားတော့ သူဟာအနှိုင်းမဲ့ဖြစ်သွားတယ်၊ ဒီလောကကြီးမှာ သူနဲ့နှိုင်းယှဉ်မဲ့သူမရှိဘူး၊ ဘုရားဟာ လူတော့လူပဲ ဒါမယ့်သာမန်လူလိုမဟုတ်တော့ဘူး၊ သာမန်လူတွေမှာ မရှိနိုင်တာ ဘုရားမှာရှိတယ်၊ သာမန်လူတွေအတွက် အရမ်းခက်ခဲတဲ့ အလုပ်တွေဟာ ဘုရားရှင်အတွက် အရမ်းလွယ်နေတယ်။ ကိုရင်တို့ တပည့်တော်တို့တွေ မလုပ်နိုင်တာကို ဘုရားရှင်ကလုပ်နိုင်တယ်။ အခုကိုရင်တို့ တပည့်တော်တို့တွေဟာ ဒီစင်ကာပူမြို့ထဲကို လျှောက်သွားတဲ့အခါမှာ ကောင်းတဲ့ပစ္စည်းတွေ မြင်ရင်လိုချင်တယ်၊ အဲဒီလိုချင်တာကို ဦးဇင်းတို့စာပေက လောဘ လို့ခေါ်တယ်၊ အဲဒီလောဘဟာ အကုသိုလ်ဖြစ်တယ်၊ စိတ်ဆိုးစရာနဲ့တွေ့လာရင် ကိုရင်တို့ တပည့်တော်တို့က စိတ်ဆိုးကြတယ်၊ အဲဒါကို စာပေက ဒေါသ လို့ခေါ်တယ်၊ အဲဒီဒေါသကို အကုသိုလ်လို့ခေါ်တယ်၊ အဲဒီအကုသိုလ်ဟာ ကိုယ့်အတွက်လည်း ကောင်းကျိုးကိုမပေးဘူး၊ သူများအတွက်လည်း ကောင်းကျိုးကိုမပေးဘူး။ ကြောက်စရာရှိရင် ကြောက်တယ်။ အေး ဘုရားရှင်မှာ အဲဒီလို လိုချင်တာ၊ စိတ်ဆိုးတာတွေဟာ မရှိတော့ဘူး မကောင်းမှု အကုသိုလ်မှန်သမျှကို အကုန်ပယ်လိုက်ပြီ။ အဲဒီ အကုသိုလ်တွေ မရှိတော့ ဘုရားရှင်ဟာ အရမ်းသန့်ရှင်းစင်ကြယ်တယ်။ ဘုရားရှင်ကို ကြည့်လိုက်ရင်လေ အရမ်းကြည်ညိုဖို့ကောင်းတယ်။
        အိန္ဒိယနိုင်ငံရဲ့ ၀န်ကြီးချုပ် နေရူးကိုကြားဖူးလား ဆိုတော့ ကြားဖူးတယ်တဲ့၊ အဲဒီနေရူးကိုလေ အင်္ဂလိပ်အစိုးရက ဖမ်းပြီးထောင်ထဲမှာထားတော့ နေရူးဟာ ဘုရားရဲ့ရုပ်ပွါးတော်ကို ကြည့် ကြည့်ပြီး အေးချမ်းတယ်၊ ပျော်ရွှင်နေတယ်၊ အရမ်းစိတ်ချမ်းသာနေတယ်တဲ့၊ အဲဒါသက်ရှိထင်ရှားမဟုတ်ဘူးနော် ရုပ်ပွါးတော်ကိုကြည့်ပြီး ကြည်ညိုတာ၊ သက်ရှိထင်ရှင်းဆိုရင် ဘယ်လောက်ကြည်ညိုစရာကောင်းလိုက်မလဲ စဉ်းစားကြည့်ပါ။ အဲဒီလိုမျိုးတွေ ဘုရားရှင်မှာ Power တွေအများကြီးပဲရှိတယ်။ ဒီလောကကြီးမှာ ဘုရားရှင်ကို ဘယ်သူမှယှဉ်ပြိုင်လို့မရဘူး။ great great teacher ဆိုတာလေ ဘုရားကိုပြောတာပဲ။ နှစ်ပေါင်း ၂၅၀၀ ကျော်သွားပြီ ယနေ့တိုင်အောင် လူတွေဟာ ဘုရားကိုပူဇော်တယ်၊ ရှိခိုးတယ်ဆိုတာဟာ အနှိုင်းမဲ့၊ အတုမရှိလို့ပေါ့၊ ဘုရားပြောခဲ့တဲ့စကားတွေကို လိုက်နာ ကျင့်သုံးနေကြသေးတယ်။ ကိုရင်တို့ တပည့်တော်တို့ထက် အများကြီးပညာတက်တယ် အများကြီးတော်တဲ့ သူတွေဒီနေ့ထက်တိုင် ဘုရားကို ပူဇော်နေတယ်၊ ရှိခိုးနေတယ်၊ အရိုအသေပေးနေတာတွေဟာ ကိုယ့်ထက်တော်လို့ပေါ့ ကိုယ့်ထက်သာလို့ ကိုယ့်ထက်မြင့်မြတ်လို့ပေါ့၊
 ဆွစ်ဇာလန်နိုင်ငံ၊ ဂျနီဗာမြို့တွင် ဘာသာတရားများနှင့် စိတ်ဓာတ် တိုးတက်ရေးဆိုင်ရာ နိုင်ငံတကာအဖွဲ့ကြီးတစ်ခုရှိတယ်၊ အဲဒီအဖွဲ့ကြီးကလေ ၂၀၀၉ နှစ်မှာ ကမ္ဘာ့ဘာသာရေး ခေါင်းဆောင် (၂၀၀) ကျော်ကို ဖိတ်ခေါ်၍ အစည်းအဝေးတစ်ခုကျင်းပခဲ့တယ်၊ အစည်းအဝေးသို့ တက်ရောက်သူတွေဟာ ခရစ်ယန်၊ အစ္စလန်၊ ဟိန္ဒူ၊ ဗုဒ္ဓဘာသာ၊ ဂျူး စသည့် ဘာသာပေါင်းစုံမှ ခေါင်းဆောင်များပါဝင်ခဲ့တယ်၊ အဲဒီအစည်းအဝေးမှ “ကမ္ဘာ့အကောင်းဆုံး ဘာသာဆု” ဟူ၍သတ်မှတ်ပြီး ရွေးချယ်ခဲ့တယ် ထိုဆုကို ဘယ်ဘာသာက ရတယ်ထင်လဲ ဗုဒ္ဓဘာသာက ရရှိခဲ့တယ်။ ဗုဒ္ဓဘာသာရရှိသွားတာကိုလေ တစ်ခြားဘာသာဝင်တွေဟာ လုံးဝ ကန့်ကွက်ခြင်းမရှိဘူး၊ တစ်ညီတစ်ညွတ်တည်းပင် သဘောတူလက်ခံကြတယ်။ ထိုအဖွဲ့ကြီးမှ သုတေသနညွှန်ကြားရေးမှူး Jonna Hult ကပြောတယ် “ဗုဒ္ဓဘာသာအား ကမ္ဘာ့အကောင်းဆုံး ဘာသာတရားဆုကို ပေးလိုက်ကြတာကို ကျွန်ုပ်အဖို့ အံ့သြခြင်းမရှိပါ၊ အဘယ်ကြောင့်ဆိုသော် ဗုဒ္ဓဘာသာတရားသည် အခြားဘာသာတရားများနှင့်မတူ မိမိတို့ဘာသာအတွက်သော်၎င်း၊ မိမိတို့ကိုးကွယ်သော အရှင်သခင်အတွက်သော်၎င်း၊ လုံးဝစစ်တိုက်ခြင်းမရှိ၊ ငြိမ်းချမ်းရေးကိုသာ ဖော်ဆောင်သောထူးခြားသည့် ဘာသာတရားဖြစ်ပါသည်” ဆိုပြီးပြောသွားခဲ့တယ်၊ အဲဒီလိုပဲ အခြားအခြား ခေါင်းဆောင်တွေဟာလည်း ဗုဒ္ဓဘာသာဟာ ကောင်းမွန်ကြောင်းတွေကို ပြောသွားခဲ့ကြတယ်။
              နောက်စာရေးသူက သီလက္ခန် အမ္ဗဋ္ဌသုတ်မှ ပေါက္ခရသာတိပုဏ္ဏားက အမ္ဗဋ္ဌလုလင်ကို ဘုရားရှင်ဆီလွှတ်ပုံနှင့် အမ္ဗဋ္ဌလုလင်က ပေါက္ခရသာတိပုဏ္ဏားကို ပြန်ပြောပုံများ၊ ဘုရားရှင်ရဲ့ စက်လက္ခဏာများ၊ မဟာပုရိသ လက္ခဏာကြီး ငယ်များစသည်ဖြင့် ရှင်းပြသည်။ အကြီးကိုရင်ကတော့ စာရေးသူပြောပြလျှင်လည်း စိတ်ဝင်စားစွာ နားထောင်နေသည် ပြီးလျှင်သူ့ထင်မြင်ယူဆချက်တွေကိုလည်း စာရေးသူအားပြန်ပြောပြသည်။ အငယ်ကိုရင်လေးကတော့ သိပ်မယုံကြည်ချင်၊ အဲဒီတော့ စာရေးသူက ကိုရင်လေး ကိုရင်ကငယ်လည်းငယ်သေးတယ် ဘာသာရေးနဲ့ အရမ်းဝေးနေတော့ တစ်ချို့ဟာတွေကို တပည့်တော်ပြောလို့ ယုံချင်မှယုံမယ်၊ နောက် တစ်ချို့နေရာတွေမှာလေ ဘုရားဟောကြားချက်တွေဟာ သူများပြောပြတာထက် ကိုယ်တိုင်ကျင့်ကြည့်မှ ယုံကြည်နိုင်တာ သိနိုင်တာတွေရှိတယ် စသည်ဖြင့် စာရေးသူမှာ ကိုယ်နားလည်သမျှကို ရှင်းပြရသည်။
           ကိုရင်ကအခု ကိုရင်ဝတ်နဲ့ သုံးရက်တည်းပဲ နေမှာဆိုတော့ ရက်ကအရမ်းနည်းတယ် နောက် အားရင်လေ ကျောင်းကိုလာခဲ့ပေါ့ ဖိတ်ခေါက်လိုက်သည်။ အကြီးကိုရင်ကတော့ လာမယ်လို့ပြောသွားသည်။ အငယ်ကိုရင်ကတော့ ဘာမှမပြောသွားဘူး။ ကိုရင်နှစ်ပါးလူထွက်သွားတော့ စာရေးသူရဲ့စိတ်ထဲမှာ အော်…… သူတို့လိုမျိုး ဗုဒ္ဓဘာသာ မြန်မာလူမျိုး မိဘနှစ်ပါးမှ မွေးဖွါးပြီး နိုင်ငံခြားမှာနေထိုင်ရတဲ့ ကလေးတွေဟာ “ကံကောင်းတာလား ကံဆိုးတာလား” ဟု စဉ်းစားမိသည်။ သူတို့လေးတွေမှာ ဘာသာရေးနဲ့ပတ်သတ်လို့ကတော့ ဗလာနတ္ထိပါပဲ၊  မိဘနှစ်ပါးကလည်း စက်ရုပ်နဲ့မခြား မိမိတို့ရဲ့ဝမ်းရေးအတွက် အလုပ် လုပ်နေကြရသည်။ သား သမီးတွေကလည်း ကျောင်းတက်ဆိုတော့ မိသားစု စုံညီစွာနေရချိန် အရမ်းနည်းသည်။ ကိုယ့်သားသမီးကို ဘာသာရေး အသိဥာဏ် မမေးနိုင်ဆိုတော့ သူတို့လေးတွေဟာ ဘုရားကိုလည်း ဘုရားမှန်းမသိ၊ တရားကိုလည်း တရားမှန်းမသိ၊ သံဃာကိုလည်း သံဃာမှန်းမသိ၊ မိဘရဲ့ဂုဏ်ကျေးဇူးတွေကို ကျေးဇူးမှန်းမသိ၊ ဆရာကိုလည်း ဆရာမှန်းမသိ ဖြစ်ကုန်တာပေါ့၊ ကိုရင်လေးတွေ ပြောပြလို့ သိခဲ့ရသည် စင်ကာပူမှာ စာသင်ပေးတဲ့ ကျောင်းဆရာ/မတွေက ကိုယ့်တပည့်ကို အပြစ်တစ်ခုခုကြောင့် သတ်မယ်ဆိုရင် သက်ဆိုင်သူ မိဘနှစ်ပါးထံမှာ ခွင့်တောင်းပြီးမှ သတ်ရတယ်၊ မိဘကခွင့်မပြုရင် မသတ်ရဘူးတဲ့၊ အဲဒီတော့ ဒီကလေးတွေဟာ ဆရာသမားရဲ့ကျေးဇူး ဆရာရဲ့ဂုဏ်တွေကို ဘယ်မှာနားလည်တော့မှာလဲ၊ အဲဒီတော့ သူတို့လေးတွေဟာ ဘာသာခြားများက စည်းရုံလို့ရှိရင် ပါသွားမှာပေါ့၊ ကိုယ့်ဘာသာအကြောင်းမှ ဘာမှကိုမသိတာ၊ ဒီတော့ စာရေးသူတို့ ရဟန်းတော်များ ဘက်မှ ယဉ်ကျေးမှုကလေးလိမ္မာသင်တန်း၊ အခြေခံဗုဒ္ဓဘာသာသင်တန်းများဖွင့်ပြီး သာသနာပြုရန် များစွာလိုအပ်လျှက်ရှိပါသည်။               
                                               အရှင်ဣန္ဒောဘာသ(သန္တာမြေမှကြယ်တစ်ပွင့်)
  • Statistics: 1 Posts | 1 Visits